सम्पादकीय

आदरणीय मेयोङहाङ दाजुभाई तथा दिदिबहिनीहरु १ मेयोङहाङ (थेगीम) हरुको प्रथम वंशावली पुस्तक वि. स. २०५७ सालमा मेयोङहाङ (थेगिम) वंशावलीका पिता देउमान मेयोङहाङको अथक प्रयास तथा सक्रियतामा तपाई हामी सबैको साथ सहयोगले प्रकाशित भएको थियो । झण्डै २५ बर्षको अन्तरालमा उक्त वंशावलीको प्रथम संशोधन गरिएको छ । संशोधनमा मुख्य गरी केहि जोड्न छुटिएका पुर्खाहरुको नाम र पुस्ता जोडिएको छ । सो समयमा छुटिएका विभिन्न देशमा रहनु भएका दाजुभाइहरुको सकेसम्म खोजी गरी जोडेका छौं । साथै उक्त प्रथम पुस्तक प्रकाशनपछि जन्मनु भएका दाजुभाईहरुको नाम जोडेका छौं भने थाहा भएसम्म र उपलब्ध भएसम्मको तथ्याङकको आधारमा विवाह भइ आउनु भएका हाम्रा आमाहरुको नाम र थर उल्लेख गर्ने जमर्को गरेका छौं । यति हुदा हुदै केहि आमाहरुको नाम र थर छुट्न गएको छ । यसमा हामी क्षमा प्रस्र्थी छौं । साथै थाहा भएसम्म छोरीहरुको नाम नछुट्याइ लेख्ने कोशिस गरेका छौं । सबै भन्दा महत्वपूर्ण कुरा त लामो समय सम्मको अभ्यास र अध्ययन पछि वंशवृक्ष कोरेका छौं ।